- 2017-12-26 19:43:17
- ប្រដាល់
ពេជ្រ ម្ទេសខ្មាំង កេរ្តិ៍ឈ្មោះរើបខ្លាំងបន្ទាប់ពីឈ្នះមេដាយស៊ីហ្គេម និងកម្មវិធី Khmer-Thai Fight
- 2017-12-26 19:43:17
- ចំនួនមតិ 0 | ចំនួនចែករំលែក 0
ពេជ្រ ម្ទេសខ្មាំង កេរ្តិ៍ឈ្មោះរើបខ្លាំងបន្ទាប់ពីឈ្នះមេដាយស៊ីហ្គេម និងកម្មវិធី Khmer-Thai Fight
ចន្លោះមិនឃើញ
អ្នកប្រដាល់វ័យក្មេងរបស់កម្ពុជា ពេជ្រ ម្ទេសខ្មាំង ថា ឥលូវមានកេរ្តិ៍ឈ្មោះល្បីខ្លាំងក្រោយពីឈ្នះព្រឹត្តិការណ៍ធំៗ ដូចជាមេដាយនៅស៊ីហ្គេម និងកម្មវិធីប្រដាល់ដល់ពេញនិយមរបស់ថៃ(Khmer-Thai Fight)។
ពេជ្រ ម្ទេសខ្មាំង បានឲ្យដឹងថា ទទួលស្គាល់ថាមួយរយៈចុងក្រោយនេះពិតជាមានកេរ្តិ៍ឈ្មោះរើបឡើងខ្លាំង ខុសពីមុនដែលមិនទាន់ឈ្នះនៅស៊ីហ្គេម ឬ Khmer-Thai Fight។ នៅតាមបណ្ដាហ្វេសបុកមានគេស្គាល់ច្រើន ព្រមទាំងចូលរួមអបអរទៅនិងជោគជ័យទាំងនោះ ខណៈនៅតាមសង្វៀននានាគេចង់បានទៅប្រកួតជាហូរហែផងដែរ ហើយឥលូវនេះក៏មានឈ្មោះវៃខ្សែក្រវាត់ទៀតផង។
កីឡាករល្អគ្រប់ក្បាច់ខាងលើបន្តថា បើទោះជាមានកេរ្តិ៍ឈ្មោះដូចនេះក៏មិនភ្លេចខ្លួននោះដែរ ពីការខំប្រឹងបន្ថែមទៀត ព្យាយាមហ្វឹកហាត់មិនបណ្ដែតបណ្ដោយ ព្រោះមានតែការខំប្រឹងដោយមិនបោះបង់នោះទេទើបធ្វើឲ្យខ្លួនបន្តដំណើរជោគជ័យទៀត។
ពេជ្រ ម្ទេខ្មាំង ជាជើងខ្លាំងរបស់កម្ពុជា បើនិយាយពីប្រដាល់សកលវិញក្នុងទម្ងន់៦០គីឡូក្រាមអាចថាពិបាករកដៃគូណាស់នៅកម្ពុជា រីឯគុនខ្មែរក៏មិនធម្មតាដែរពោលឈ្នះខ្សែក្រវាត់ទម្ងន់ ៥៧គីឡូក្រាមនៅ PNN និងកម្រចាញ់ណាស់ពេលឡើងសង្វៀនម្ដងៗ។ នៅឆ្នាំ២០១៨ខាងមុខនេះអ្នកប្រដាល់រូបនេះក៏មានឈ្មោះវ៉ៃខ្សែក្រវាត់នៅសង្វៀនក្នុងស្រុកមួយផងដែរ៕
