ក្រោយបំបែកឯតទគ្គកម្មផ្ទាល់ខ្លួន នាយកក្រុមហ៊ុនធំមួយ ចង់បង្កើតកម្មវិធី Iron Man នៅខ្មែរ

2018-12-02 20:17:19
ព័ត៌មាន

2018-12-02 20:17:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពី ទិវារត់ប្រណាំងអន្តរជាតិពាក់កណ្ដាលម៉ារ៉ាតុងអង្គរវត្ត ដែលឧបត្ថម្ភដោយភេសជ្ជៈប៉ូវកម្លាំង Wurkz និងទឹកបរិសុទ្ធកម្ពុជា ចប់មិនទាន់ទាំងផ្ទៀងលទ្ធផលបានត្រឹមត្រូវល្អនៅឡើយផង ស្រាប់តែបុរសវ័យ ៣៨ ឆ្នាំម្នាក់ គឺលោក ភីតធើរ លាង (Peter) ដែលជាកីឡាករចូលរួមរត់ប្រណាំងអន្តរជាតិម៉ារ៉ាតុងនៅអង្គរវត្តដែលនោះបានបង្ហើបប្រាប់ពីមហិច្ឆតារបស់ខ្លួនចង់បង្កើតកម្មវិធី Iron Man នៅកម្ពុជា ក្រោយខ្លួនធ្វើបានសម្រេចនូវការតាំងចិត្តជិះកង់ចម្ងាយ ១១៧គីឡូម៉ែត្រ ក្នុងកម្មវិធីជិះកង់ដើម្បីកុមារ (Bike4Kids) កាលពីថ្ងៃទី១ ធ្នូ នៅមុខព្រះលានជុលដំរី និងរត់ម៉ារ៉ាតុងបញ្ចប់ចម្ងាយ ២១គីឡូម៉ែត្រ ក្នុងទិវារត់ប្រណាំងកាលម្សិលមិញនេះ។

រូបស្ដាំ លោក ភីធើរ

លោក ភីតធើរ លាង បានលើកឡើងថា៖ "តាមរយៈការចូលរួមរត់ក្នុង ទិវារត់ប្រណាំងអន្តរជាតិពាក់កណ្ដាលម៉ារ៉ាតុងនៅឆ្នាំនេះ ខ្ញុំសង្កេតឃើញថា ការរៀបចំទាំងផ្នែកបច្ចេកទេសផ្លូវ និង ការផ្សព្វផ្សាយ ជាទូទៅមានលក្ខណៈប្រសើរច្រើនបើប្រៀបធៀបទៅនឹងឆ្នាំមុនៗ ហើយថែមទាំងមានចំនួនអ្នកចូលរួមកើនឡើងច្រើនគួរឲ្យកត់សម្គាល់រហូតដល់ប្រហាក់ប្រហែល ១៥០០០ នាក់ឯណោះ"។

លោកបន្តថា៖ "ដោយមើលឃើញពីការកើនឡើងនូវការចូលរួមកម្មវិធីកីឡារត់ប្រណាំងនេះគួរឲ្យកត់សម្គាល់ ខ្ញុំ និងក្រុមការងារភេសជ្ជៈប៉ូវកម្លាំង Wurkz នឹងចាប់ផ្ដើមរៀបចំផែនការមើលទៅលើលទ្ធភាពដែលអាចទៅរួចក្នុងការរៀបចំកម្មវិធី Iron Man នៅក្នុងប្រទេសកម្ពុជា ជាមួយគោលបំណងសប្បុរសធម៌ និងលើកទឹកចិត្តអោយប្រជាជនកម្ពុជាចូលរួមលេងកីឡាឲ្យបានច្រើន និងដកបទពិសោធន៍នូវអ្វីដែលថ្មី។”

កម្មវិធី Iron Man គឺជាកម្មវិធីកីឡាដែលមាន ៣ វិញ្ញាសាសម្រាប់អត្តពលិកម្នាក់ៗត្រូវធ្វើឲ្យបាន ដែលក្នុងនោះរួមមានកីឡាហែលទឹកចម្ងាយ ៣,៨៦ គីឡូម៉ែត្រ វិញ្ញាសាជិះកង់ចម្ងាយ ១៨០ គីឡូម៉ែត្រ និង រត់ចម្ងាយ ៤២ គីឡូម៉ែត្រ។

លោក ភីតធើរ គឺអ្នកស្រឡាញ់វិស័យកីឡាខ្លាំង ហើយក៏ជាអគ្គនាយកក្រុមហ៊ុនខ្មែរប៊ែវើរិជីស ដែលជាក្រុមហ៊ុនបុត្រសម្ព័ន្ធក្រុមហ៊ុន ជីប ម៉ុង ដោយផលិតស្រាបៀរកម្ពុជា ស្រាបៀរស្តោត (Barrley Black) ស្រាបៀរគូដូ (Kudo) ទឹកក្រូច អាយស៍ (IZE) ទឹកផ្លែឈើជូប (Joop) ភេសជ្ជៈប៉ូវកម្លាំងវើក (Wurkz) និងទឹកសុទ្ធកម្ពុជា (Cambodia Water)៕