មុនពេលរៀបការ ស៊ន ដាវីន បានសាងស្នាដៃអ្វីខ្លះ?

2014-11-21 08:36:25
ព័ត៌មាន

2014-11-21 08:36:25
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនី ស៊ន ដាវីន កើតនៅថ្ងៃទី ០២ ខែកុម្ភ: ឆ្នាំ១៩៩២ក្នុងគ្រួសារជាអ្នកកីឡាដែលមានបងប្អូន៦នាក់ប្រុស ៣នាក់ ស្រី ៣នាក់។ ឱពុកឈ្មោះ ស៊ន ម៉េងហ៊ាង ស្លាប់ដោយគ្រោះថ្នាក់ចរាចរណ៍ និង ម្តាយឈ្មោះ សួន ចាន្នី ជាមេផ្ទះ។

ស៊ន ដាវីន (ស្តាំ) និងប្អូនស្រី ស៊ន សៀវម៉ី (ឆ្វេង)

ការប្រឡូកក្នុងអាជីពកីឡាតេក្វាន់ដូ ស៊ន ដាវីនបានចាប់ផ្តើមហ្វឹកហាត់កីឡាតេក្វាន់ដូក្លឺបអូឡាំពិកក្នុងឆ្នាំ២០០៦ ហើយបានជាប់ជាកីឡាការិនី ជម្រើសជាតិឆ្នាំ២០០៧។ កីឡាការិនីរូបនេះជាអតីតសិស្សវិទ្យាល័យឫស្សីកែវ និងបញ្ចប់ការសិក្សាមធ្យមសិក្សា ទុតិយភូមិ២០១១។ បន្ទាប់មក ដាវីនបានប្រឡងជាប់ជាគ្រូកីឡា ហើយបញ្ចប់ការសិក្សាផ្នែកគ្រូកីឡានៅវិទ្យាស្ថានជាតិអប់រំកាលពីខែមិថុនា ឆ្នាំ២០១៤កន្លងទៅនេះ។

សង្ខេបការប្រកួត និងលទ្ធផល -ឆ្នាំ២០០៧ ប្រកួត KOREAN OPEN នៅទីក្រុង សេអ៊ូល ទទួលបានមេដាយមាស១ -ឆ្នាំ២០០៨ ប្រកួត KOREAN OPEN ទទួលបានមេដាយប្រាក់១ -ឆ្នាំ២០០៩ ប្រកួត ASEAN CHAMPIONSHIPS VIETNAM ទទួលបានមេដាយសំរឹទ្ធិ១ -ឆ្នាំ២០១០ ប្រកួត KOREAN OPEN ទទួលបានមេដាយមាស១ និងប្រាក់១ -ឆ្នាំ២០១០ ចូលរួមប្រកួតកីឡា ASEAN Games ពុំទទួលបានលទ្ធផល -ឆ្នាំ ២០១១ ប្រកួត ASEAN CHAMPIONSHIPS នៅកម្ពុជាទទួលបានមេដាយមាស១ -ឆ្នាំ ២០១១ ប្រកួតកីឡាស៊ីហ្គេម (SEA Games) នៅប្រទេសឥណ្ឌូណេស៊ី ទទួលបានមេដាយប្រាក់១ -ឆ្នាំ២០១១ ចូលរួមប្រកួតព្រឹត្តិការណ៍វគ្គជម្រុះ សម្រាប់កីឡាអូឡាំពិកនៅប្រទេសថៃ ទទួលបានចំណាត់ថ្នាក់លេខ៤ ហើយត្រូវបានទទួលសិទ្ធិដែលហៅថា Wild Card ទៅចូលរួមប្រកួតកីឡាអូឡាំពិកលើកទី៣០ នៅទីក្រុងឡុងដ៏ ប្រទេសអង់គ្លេស។ -ឆ្នាំ ២០១៣ ប្រកួតកីឡាស៊ីហ្គេម (SEA Games) នៅប្រទេសមីយ៉ាន់ម៉ាទទួលបានមេដាយប្រាក់១ -ឆ្នាំ២០១៤ ប្រកួតកីឡាអាស៊ី (Asian Games) ពុំទទួលបានលទ្ធផលឡើយ