- 2020-12-11 01:47:23
- ប្រដាល់
មោះ! មកដឹងស្នៀតគ្រោះថ្នាក់របស់ ម៉ឺន មេឃា មុនប៉ះ អេលីត ចំរើន
- 2020-12-11 01:47:23
- ចំនួនមតិ 0 | ចំនួនចែករំលែក 0
មោះ! មកដឹងស្នៀតគ្រោះថ្នាក់របស់ ម៉ឺន មេឃា មុនប៉ះ អេលីត ចំរើន
ចន្លោះមិនឃើញ
ម៉ឺន មេឃា បច្ចុប្បន្ននេះរាប់ចូលជាកីឡាករកំពុងឡើងកូដខ្លាំងក្នុងវិស័យប្រដាល់គុនខ្មែរ ជាពិសេសការឈ្នះខ្សែក្រវាត់ និងឈ្នះដៃគូបន្តបន្ទាប់តាមរយៈស្នៀតគ្រោះថ្នាក់កណ្ដាប់ដៃធ្ងន់ៗ។
កូនប្រុសលោក អេ ភូថង ខាងលើនេះគឺរីកចម្រើនក៏ដូចជាអភិវឌ្ឍន៍ខ្លួនបានល្អមែនជា ហើយអាវុធដែលគ្រោះថ្នាក់បំផុតរបស់គេដែលជាឧបសគ្គ អេលីត ចំរើន នោះរួមមានកណ្ដាប់ដៃ និងស្នៀតទាត់ក្រោម។
កណ្ដាប់ដៃ៖ ម៉ឺន មេឃា មានកណ្ដាប់ដៃធ្ងន់ល្អណាស់ នេះអាចមកពីអ្នកប្រដាល់រូបនេះធ្លាប់ហ្វឹកហាត់ប្រដាល់សកលជាមួយគ្រូជម្រើសជាច្រើនឆ្នាំ។ ការប្រើកណ្ដាប់របស់កីឡាកររូបនេះ លឿន ធ្ងន់ និងច្បាស់តែម្ដងពោលបើដៃគូមិនសូវចាប់អារម្មណ៍ ឬប្រុងប្រយ័ត្នខ្ពស់ទេដឹងតែត្រូវអាជ្ញាកណ្ដាលរាប់ និងសន្លប់បោះបង់ការប្រកួតដោយសារតែស្នៀតនេះ។
រន្ទះជើង៖ កូនប្រុសលោក អេ ភូថង រូបនេះមិនត្រឹមតែល្អដៃនោះទេ ពោលស្នៀតទាត់ក៏គ្រោះថ្នាក់សម្រាប់ដៃគូផងដែរ។ មេឃា ឥលូវរឹតតែល្អធាក់ និងទាត់ធ្ងន់ នៅដើមៗទឹកប្រសិនបើដៃគូគិតតែស្ទាបស្ទង់ និងភ្លេចគិតអាចនឹងខូចជើង។ ម្ចាស់ខ្សែក្រវាត់ស្រាបៀកម្ពុជារូបនេះ ពូកែទាត់ជើងក្រោម ឲ្យតែបណ្ដោយ ឬដាក់ជើងឲ្យទាត់ញយ ដឹងតែខូចជើងហើយព្រោះទាត់មូយៗធ្ងន់ល្អណាស់។
ចំណុចទាំងនេះហើយដែលជាគ្រោះថ្នាក់សម្រាប់ម្ចាស់ខ្សែក្រវាត់មាស អេលីត ចំរើន ក្នុងការប៉ះគ្នាវគ្គផ្ដាច់ព្រ័ត្រក្រុមទី២ នៃដំណើរឆ្ពោះទៅដណ្ដើមខ្សែក្រវាត់នៅសង្វៀន CNC ។ ដោយសារតែផ្ទុះជំងឺ កូវីដ នាថ្ងៃព្រឹត្តិការណ៍ ២៨ វិច្ឆិកា ២០២០ នេះទើបធ្វើឲ្យការប្រកួតរវាង អេលីត ចំរើន និង ម៉ឺន មេឃា ត្រូវលើកពេលប្រកួតដោយមិនទាន់បញ្ជាក់ពេលវេលានៅឡើយទេ៕
