- 2021-02-06 01:20:51
- កីឡាផ្សេងៗ
NOCC៖ សូមឲ្យអ្នករត់ប្រណាំងដោយស្ម័គ្រចិត្ត ប្រកាន់ភាពស្មោះត្រង់ និងរត់ឲ្យចប់ត្រឹមត្រូវ
- 2021-02-06 01:20:51
- ចំនួនមតិ 0 | ចំនួនចែករំលែក 0
NOCC៖ សូមឲ្យអ្នករត់ប្រណាំងដោយស្ម័គ្រចិត្ត ប្រកាន់ភាពស្មោះត្រង់ និងរត់ឲ្យចប់ត្រឹមត្រូវ
ចន្លោះមិនឃើញ
អគ្គលេខាធិការ នៃគណៈកម្មាធិការជាតិអូឡាំពិកកម្ពុជា សូមឲ្យអ្នករត់ប្រណាំងដោយស្ម័គ្រចិត្ត ក្នុងព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអន្តរជាតិអង្គរលើក ទី២៥ ដែលចាប់ផ្ដើមនៅថ្ងៃនេះប្រកាន់នូវភាពស្មោះត្រង់ និងរត់ឲ្យបានចប់ត្រឹមត្រូវតាមវិញ្ញាសាដែលខ្លួនបានចុះឈ្មោះមកនេះ។
ឯកឧត្ដម វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា(NOCC) បានឲ្យដឹងថា ដូចទៅហ្នឹងការប្រកាសកន្លងទៅរួចហើយដែលព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអន្តរជាតិអង្គរលើក ទី២៥ នេះបានប្ដូរទៅជារត់បែបស្ម័គ្រចិត្ត «Virtual Run» ក៏ចាប់ផ្ដើមរត់ពីថ្ងៃនេះទៅ។
អ្នកជំនាញខាងកីឡារូបនេះក៏សូមអំពាវនាវដល់អ្នកដែលបានចុះឈ្មោះ និងយកស្លាកលេខរួចហើយជាង ៣០០០នាក់នោះរត់ឲ្យបានចប់ត្រឹមត្រូវតាមប្រភេទវិញ្ញាសាដែលខ្លួនបានចុះ។ ចំពោះអ្នកដែលបានរត់ត្រឹមត្រូវរួចហើយនោះកុំភ្លេចមកទទួលយកមេដាយអនុស្សាវរីយយ៉ាងស្រស់ស្អាតដែលធ្វើរួចជាស្រេច។
រំលឹកដែរថា ដោយសារតែផ្ទុះជំងឺកូវីដ ថ្មីៗកន្លងទៅនេះបានធ្វើឲ្យព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអន្តរជាតិអង្គរលើក ទី២៥ ត្រូវប្ដូរទៅជារត់បែបស្ម័គ្រចិត្ត «Virtual Run» ដែលធ្វើឡើងរយៈពេល២ថ្ងៃ ចាប់ពីថ្ងៃទី៦ ដល់ ៧ ខែកុម្ភៈ ឆ្នាំ២០២១៕
