ការពន្យាពេលស៊ីហ្គេមនៅវៀតណាម ជាឱកាសក្នុងការប្រមូលផ្ដុំហ្វឹកហាត់របស់ចំបាប់ជាថ្មី

2021-08-03 19:15:20
កីឡាផ្សេងៗ

2021-08-03 19:15:20
ចំនួនមតិ 0 | ចំនួនចែករំលែក 0

ចន្លោះមិនឃើញ

អនុប្រធានសហព័ន្ធកីឡាចំបាប់កម្ពុជា ថាការលើកពេលប្រកួតរបស់ម្ចាស់ផ្ទះវៀតណាម ក៏ជារឿងល្អសម្រាប់ប្រភេទកីឡាផ្សេងៗ និងចំបាប់ផងដែរដែលមានពេលច្រើនទៀតអាចប្រមូលផ្ដុំហ្វឹកហាត់ត្រៀមបានល្អ។

រូបភាព CAMSOC

លោក ខេស៊ី បាណេត អនុប្រធានសហព័ន្ធកីឡាចំបាប់បានឲ្យដឹងថា ឥលូវនេះទោះមានការហ្វឹកហាត់តាមរយៈ Online និងមានការត្រួតពិនិត្យក្ដី ប៉ុន្តែការរីកចម្រើនខាងបច្ចេកទេសគឺមិនសូវបានផលល្អឡើយ។ រីឯភាគីខាងម្ចាស់ផ្ទះស៊ីហ្គេម វៀតណាម គឺពួកគេហ្វឹកហាត់ជាលក្ខណៈប្រមូលផ្ដុំ។

អនុប្រធានខាងលើនេះបន្ថែមទៀតថា ការពន្យាពេលស៊ីហ្គេម ទៅឆ្នាំក្រោយវិញនេះក៏ជារឿងល្អផងដែរសម្រាប់កីឡាកម្ពុជាផងរួមទាំងចំបាប់ដូចគ្នា។ ព្រោះថា នៅពេលខាងមុខនេះក្រុមកីឡាចំបាប់អាចនឹងប្រមូលផ្ដុំគ្នាក្នុងការហ្វឹកហាត់វិញលក្ខណៈបិទខ្ទប់។ មួយវិញទៀតកីឡាករ កីឡាការិនី១០រូបនឹងបានទៅហ្វឹកហាត់នៅក្រៅប្រទេសដើម្បីត្រៀមស៊ីហ្គេម ទាំង២លើកនេះទៀតផង។

រូបភាព CAMSOC

រំលឹកដែរថា ដោយសារតែស្ថានភាពជំងឺកូវីដ ១៩ ម្ចាស់ផ្ទះវៀតណាម សម្រេចលើកពេលប្រកួតកីឡាស៊ីហ្គេម ចុងឆ្នាំ២០២១ នេះទៅពាក់កណ្ដាលឆ្នាំ២០២២ វិញ។ ស៊ីហ្គេម លើកទី៣១ នេះគឺធ្វើឡើងនៅឯប្រទេសវៀតណាម៕ អត្ថបទកែសម្រួលពី Cambodia SEA GAMES 2023