- 2021-09-28 17:15:00
- ប្រដាល់
គុនខ្មែរអលស្តារវគ្គ២ ដំណើរការរៀបចំដល់ណាហើយ
- 2021-09-28 17:15:00
- ចំនួនមតិ 0 | ចំនួនចែករំលែក 0
គុនខ្មែរអលស្តារវគ្គ២ ដំណើរការរៀបចំដល់ណាហើយ
ចន្លោះមិនឃើញ
លោក ស៊ន អេលីត ម្ចាស់កម្មវិធី គុនខ្មែរអលស្តារ (Kun Khmer All Star) ថានៅពេលនេះដំណើរការរៀបចំការប្រកួតនេះបានប្រហែល ៧០% ទៅហើយ និងកំពុងស្វះស្វែងរកអ្នកឧបត្ថម្ភបន្ថែមដើម្បីគ្រប់គ្រាន់លើការចំណាយ។
លោក ស៊ន អេលីត បានឲ្យដឹងនាពេលថ្មីៗនេះថា ដំណើរការរៀបចំការប្រកួតគុនខ្មែរអលស្តារវគ្គ២ នេះបានប្រហែល ៧០% លើការតុបតែង សម្ភារ បច្ចេកទេសផ្សេង ដោយឡែកចំពោះបេក្ខភាពប្រកួតវិញរួចរាល់អស់ហើយ។ ប៉ុន្តែចំពោះបេក្ខភាព ឬកីឡាករចូលរួមនេះក៏មានការត្រៀមទុក្ខផងដែរក្នុងករណីមានការដោះដូរដោយចៃដន្យណាមួយភ្លាមៗនោះ។
គ្រូប្រដាល់ក្លឹបនាយដ្ឋានអង្គរក្សខាងលើបន្ថែមទៀតថា បញ្ហាប្រឈមខ្លះៗនោះគឺការមិនទាន់មានក្រុមហ៊ុន ឬអ្នកឧបត្ថម្ភធំៗឲ្យគ្រប់គ្រាន់ដល់កម្មវិធីក្នុងការចំណាយជាច្រើននៅពេលប្រកួតដូចជាតម្លៃខ្លួនកីឡាករ និងបច្ចេកទេសផ្សេងៗនៅឡើយទេ។ គ្រូរបស់ សែន រ៉ាដេត រូបនេះក៏បានអំពាវនាវដល់អ្នកដែលចាប់អារម្មណ៍កម្មវិធីប្រដាល់មួយនេះហើយចង់ចូលរួមឧបត្ថម្ភ ឬផ្សព្វផ្សាយសូមទំនាក់ទំនងមកកាន់លោកផ្ទាល់ក៏ដូចជាក្រុមការងារគុនខ្មែរអលស្តារផងដែរ។
រំលឹកដែរថា កម្មវិធីប្រដាល់ គុនខ្មែរអលស្តារ គឺរៀបចំបង្កើតឡើងដោយលោក ស៊ន អេលីត។ កម្មវិធីនេះបានប្រកួតរួច១ដងហើយកាលពីថ្ងៃទី២៥ ខែកក្កដា ២០២១។ ចំណែក គុនខ្មែរអលស្តារ វគ្គ២ នឹងធ្វើឡើងនៅថ្ងៃទី២៧ ខែតុលា ២០២១ នេះ៕
