- 2021-11-02 00:15:59
- កីឡាផ្សេងៗ
ហាប់គីដូ៖ ទោះខានសម្ដែងយូរ ប៉ុន្តែនៅតែទទួលបានសរសើរពីថ្នាក់ដឹកនាំ
- 2021-11-02 00:15:59
- ចំនួនមតិ 0 | ចំនួនចែករំលែក 0
ហាប់គីដូ៖ ទោះខានសម្ដែងយូរ ប៉ុន្តែនៅតែទទួលបានសរសើរពីថ្នាក់ដឹកនាំ
ចន្លោះមិនឃើញ
អគ្គលេខាធិការសហព័ន្ធកីឡាហាប់គីដូ ថាបើទោះអាក់ខានសម្ដែងយូរ និងខានហ្វឹកហាត់ជុំគ្នាក្ដី ប៉ុន្តែក្រុមកីឡាករ កីឡាការិនី នៅតែមានភាពរហ័សរហួន និងធ្វើបានល្អទទួលបានការសរសើរពីថ្នាក់ដឹកនាំ។
លោក គង់ ចាន់ធីណា អគ្គលេខាធិការសហព័ន្ធខាងលើបានឲ្យដឹងថា កាលពីថ្ងៃទី៣១ វិច្ឆិកា កន្លងទៅនេះក្រុមកីឡាហាប់គីដូបានការអនុញ្ញាតឲ្យចូលរួមសម្ដែងក្នុងកម្មវិធីកីឡាយុទ្ធសិស្ប៍ ពានរង្វាន់សម្ដេច ក្រឡាហោម ស ខេង។
អ្នកកីឡាជើងចាស់រូបនេះបន្ថែមទៀតថា បើទោះជាពេលវេលាហ្វឹកហាត់បានតិចតួច និងម្នាក់ៗឆ្លៀតពីការងារមែន ប៉ុន្តែពួកគេនៅតែខំប្រឹងប្រែងហាត់ដោយយកចិត្តទុកដាក់ និងបង្ហាញក្នុងពិធីបានយ៉ាងល្អ។ បន្ទាប់ពីការសម្ដែងនោះដែរគឺឯកឧត្ដម ជា ប៊ុនហេង ក៏បានសរសើរពីភាពរហ័សរហួន ការសម្ដែងសមខណៈដែរផ្នែកកីឡាត្រូវបានផ្អាកមួយរយៈពេលធំដោយសារកូវីដ ១៩។
រលឹកដែរថា ក្រុមកីឡាហាប់គីដូ បានការអនុញ្ញាតឲ្យចូលរួមសម្ដែងស្នៀតពិសេសៗរបស់ខ្លួនដូចជាការក្បាច់ទាត់ ក្បាច់ការពារខ្លួន និងវ៉ៃឥដ្ឋជាដើមកាលពីថ្ងៃបិទពានរង្វាន់សម្ដេច ក្រឡាហោម ស ខេង លើកទី៤ នៅទិលានវ៉ៃសី របស់ក្រសួងមហាផ្ទៃ កាលពីថ្ងៃទី៣១ ខែវិច្ឆិកា ២០២១៕
វីដេអូ៖
