អ្នកជំនាញខាងចំបាប់៖ កីឡានេះមានការអត់ធ្មត់កាន់តែខ្ពស់ ការអភិវឌ្ឍន៍ក៏រីកចម្រើនកាន់តែខ្លាំងដែរ

2022-02-10 01:31:57
កីឡាផ្សេងៗ

2022-02-10 01:31:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានសហព័ន្ធកីឡាចំបាប់កម្ពុជា ថាកីឡាចំបាប់នេះស្រដៀងនិងប្រភេទកីឡាប្រយុទ្ធមួយចំនួនដែរ គឺមានការឈឺចាប់ថ្លោះគ្រៀកច្រើន ប៉ុន្តែបើកីឡាករ កីឡាការិនីមានការអត់ធ្មត់កាន់តែខ្ពស់នោះការអភិវឌ្ឍន៍ ឬភាពជោគជ័យមានកាន់តែខ្លាំង។

ឯកឧត្ដម វ៉ាត់ ចំរើន ប្រធានសហព័ន្ធបានឲ្យដឹងថា ចំពោះការចំបាប់នេះបើកីឡាករ កីឡាការិនីស៊ូទ្រាំការឈឺចាប់មិនបានទេ គឺទៅមុខអត់រួចទេ។ កីឡាចំបាប់គឺស្រដៀង និងកីឡាប្រយុទ្ធផ្សេងៗ និងជួបហានិភ័យខ្ពស់ជាងកីឡាមួយចំនួនទៅទៀត គឺឧស្សាហ៍ថ្លោះគ្រៀក អីចឹងទាល់តែម្នាក់ៗមានការស៊ូទ្រាំអត់ធ្មត់ខ្ពស់ទើបមានការអភិវឌ្ឍន៍ខ្លាំង និងជោគជ័យទៅបាន។

រំលឹកដែរថា សហព័ន្ធកីឡាចំបាប់ក៏ត្រូវបាន CAMSOC ដាក់បញ្ចូលក្នុងការប្រកួតប្រជែងមេដាយនៅស៊ីហ្គេម ២០២៣ ដែលកម្ពុជាធ្វើជាម្ចាស់ផ្ទះផងដែរ។ តាមដំណឹងនៅពាក់កណ្ដាលខែកុម្ភៈ ២០២២ សហព័ន្ធគ្រោងបញ្ចូនកីឡាកររបស់ខ្លួនចំនួន១៥នាក់ទៅហ្វឹកហាត់បច្ចេកទេសនៅប្រទេសអ៊ីរ៉ង់ ដើម្បីត្រៀមស៊ីហ្គេម វៀតណាម ខែឧសភា និងស៊ីហ្គេម ២០២៣៕

អត្ថបទ៖ នួន ស៊ីណា