- 2022-03-02 20:00:15
- កីឡាផ្សេងៗ
កម្ពុជានឹងធ្វើជាម្ចាស់ផ្ទះកីឡាការ៉ាតេជើងឯកអាស៊ីអាគ្នេយ៍ ចុងខែមីនា ២០២២
- 2022-03-02 20:00:15
- ចំនួនមតិ 0 | ចំនួនចែករំលែក 0
កម្ពុជានឹងធ្វើជាម្ចាស់ផ្ទះកីឡាការ៉ាតេជើងឯកអាស៊ីអាគ្នេយ៍ ចុងខែមីនា ២០២២
ចន្លោះមិនឃើញ
សហព័ន្ធការ៉ាតេកម្ពុជា នឹងធ្វើជាម្ចាស់ផ្ទះជើងឯកអាស៊ីអាគ្នេយ៍ នៅចុងខែមីនា ឆ្នាំ២០២២ នេះដែលមានប្រទេសចូលរួមប្រហែល៩ ដើម្បីជាការស្ទាបស្ទង់សមត្ថភាពមុន ស៊ីហ្គេម នៅវៀតណាម។
ឯកឧត្ដម វ៉ាត់ ចំរើន អគ្គលេខាធិការបានឲ្យដឹងថា នៅពេលនេះសហព័ន្ធកំពុងរស់រានធ្វើកិច្ចការរៀបចំការប្រកួតជើងឯកអាស៊ីអាគ្នេយ៍នេះ ដូចជាទំនាក់ទំនងលើការចុះឈ្មោះ កិច្ចការរដ្ឋបាល និងការទទួលខុសត្រូវភារកិច្ចផ្សេងៗគ្នា។
កម្មវិធីនេះគឺជាឱកាសល្អមួយសម្រាប់កម្ពុជា ដើម្បីបានស្ទាបស្ទង់សមត្ថភាពកីឡាករ កីឡាការិនីកម្ពុជាដែលបានចំណាយពេលហ្វឹកហាត់កន្លងមកជាមួយគ្រូអ៊ីរ៉ង់ គ្រូជប៉ុន ថាខុសប្លែក រីកចម្រើនដល់កម្រិតណា។ នេះក៏ជាបទពិសោធល្អមួយសម្រាប់មន្ត្រីរៀបចំដែលបានធ្វើវាឡើងមុនការប្រកួតស៊ីហ្គេម កម្ពុជាធ្វើជាម្ចាស់ផ្ទះ ២០២៣ ខាងមុខ។
រំលឹកដែរថា ម្សិលមិញនេះសហព័ន្ធកីឡាការ៉ាតេកម្ពុជាបានប្រជុំពិភាក្សាលើកិច្ចការរៀបចំការប្រកួតជើងឯកអាស៊ីអាគ្នេយ៍។ ការប្រកួតនេះនឹងធ្វើឡើងនៅថ្ងៃទី២១ ដល់ ២៧ ខែមីនា ឆ្នាំ២០២២ នៅសាលក្នុងកសកលវិទ្យាល័យភូមិន្ទភ្នំពេញ៕
