- 2022-03-10 00:07:54
- កីឡាផ្សេងៗ
សហព័ន្ធកីឡាការ៉ាតេ៖ ជើងឯកអាស៊ីអាគ្នេយ៍ កម្ពុជាម្ចាស់ផ្ទះនឹងធ្វើដោយសេចក្ដីថ្លៃថ្នូរ និងកិត្តិយស
- 2022-03-10 00:07:54
- ចំនួនមតិ 0 | ចំនួនចែករំលែក 0
សហព័ន្ធកីឡាការ៉ាតេ៖ ជើងឯកអាស៊ីអាគ្នេយ៍ កម្ពុជាម្ចាស់ផ្ទះនឹងធ្វើដោយសេចក្ដីថ្លៃថ្នូរ និងកិត្តិយស
ចន្លោះមិនឃើញ
អគ្គលេខាធិការសហព័ន្ធកីឡាការ៉ាតេកម្ពុជា ថាការរៀបចំធ្វើជាម្ចាស់ផ្ទះលើកទី១ នៃព្រឹត្តិការណ៍ជើងឯកអាស៊ីអាគ្នេយ៍ចុងខែនេះ កម្ពុជាប្ដេជ្ញានឹងរៀបចំឲ្យបានល្អប្រកបដោយសេចក្ដីថ្លៃថ្នូរ និងកិត្តិយស។
ឯកឧត្ដម វ៉ាត់ ចំរើន បានឲ្យដឹងថា ព្រឹត្តិការណ៍ជើងឯកកីឡាការ៉ាតេអាស៊ីអាគ្នេយ៍ នៅចុងខែនេះជាលើកទី១ ហើយសម្រាប់កម្ពុជាដែលរៀបចំការប្រកួតកម្រិតអន្តរជាតិ។ មន្ត្រីសហព័ន្ធក៏ដូចជាខាង CAMSOC កំពុងមមាញឹកលើកិច្ចរៀបចំទាំងនេះ។
អ្នកជំនាញផ្នែកកីឡាខាងលើនេះបន្ថែមទៀតថា ដូចទៅនិងការណែនាំរបស់ថ្នាក់ដឹកនាំ គឺធ្វើយ៉ាងណារៀបចំការប្រកួតប្រកបដោយសេចក្ដីថ្លៃថ្នូរ និងកិត្តិយសជាតិ។ ជាពិសេសក្នុងបរិបទកូវីដនេះតែម្ដង ឲ្យប្រាកដថាអ្វីៗរៀបចំដោយល្អប្រសើរចំពោះបណ្ដាប្រទេសចូលរួមឲ្យមានសុវត្ថិភាពទាំងអស់គ្នា និងការវិលត្រឡប់ទៅវិញដោយសេចក្ដីសុខ។ ដូច្នេះភាគីពាក់ព័ន្ធទាំងអស់ត្រូវត្រូវបំពេញភារកិច្ចរៀងខ្លួនបានល្អ។
រំលឹកដែរថា សហព័ន្ធកីឡាការ៉ាតេកម្ពុជា នឹងរៀបចំការប្រកួតជើងឯកអាស៊ីអាគ្នេយ៍ នៅថ្ងៃទី២១ ដល់ ២៧ ខែមីនា ឆ្នាំ២០២២ នៅសាលក្នុងសកលវិទ្យាល័យភូមិន្ទភ្នំពេញ។ សហព័ន្ធកំពុងអញ្ចើញដល់ប្រទេសនានាក្នុងតំបន់ដើម្បីចូលរួមព្រឹត្តិការណ៍មួយនេះ៕
