- 2022-04-17 19:15:40
- កីឡាផ្សេងៗ
ឧកញ៉ា សៅ សេងហាក់ ប្រាប់ពីប្រយោជន៍ហាត់ ហាប់គីដូ ១០ឆ្នាំជួយសុខភាពដូចនេះ...
- 2022-04-17 19:15:40
- ចំនួនមតិ 0 | ចំនួនចែករំលែក 0
ឧកញ៉ា សៅ សេងហាក់ ប្រាប់ពីប្រយោជន៍ហាត់ ហាប់គីដូ ១០ឆ្នាំជួយសុខភាពដូចនេះ...
ចន្លោះមិនឃើញ
ឧកញ៉ា សៅ សេងហាក់ ថារយៈពេលជាង១០ឆ្នាំដែលបានហ្វឹកហាត់កីឡាហាប់គីដូនេះគឺមានសារប្រយោជន៍ច្រើន និងជួយដល់សុខភាពដូចជារាងកាយមាំមួន ភាពរហ័សរហួន និងមានទំនុកចិត្តលើខ្លួនឯង។
អ្នកជំនួញខាងលើនេះធ្លាប់បានឲ្យដឹងថា កីឡាហាប់គីដូ ដែលលោកហ្វឹកហាត់រយៈពេល ១០ឆ្នាំមកនេះគឺល្អខ្លាំងណាស់ ជាពិសេសសុភាពរាងកាយតែម្ដង។ ពោលហ្វឹកហាត់យូរទៅធ្វើឲ្យមានភាពរហ័សរហួនបើទោះជាវ័យជ្រេបន្តិចក្ដី រាងកាយក៏រឹងមាំល្អ។
ឧកញ៉ា សៅ សេងហាក់ បន្ថែមទៀតថា ចំណុចពិសេសមួយទៀតនោះគឺការធ្វើឲ្យខ្លួនឯងមានទំនុកចិត្ត ជឿជាក់លើខ្លួនឯងទាំងសុខភាពផ្លូវចិត្ត ផ្លូវកាយ និងអាចការពារខ្លួនបានផង។ ប្រសិនបើសុខភាពមិនសូវអំណោយផលហើយជឿជាក់ថាការងារក៏មិនសូវរលូនដូចគ្នា។ ដោយសារមានសារប្រយោជន៍ច្រើនបែបនេះហើយទើបលោកព្យាយាមចែករំលែកបទពិសោធល្អៗនេះដល់មហាជនផងដែរ។
រំលឹកដែរថា កីឡាហាប់គីដូ ជាប្រភេទកីឡាមួយក្នុងចំណោមប្រភេទកីឡាប្រយុទ្ធនានាដែលកំពុងតែមានវត្តមាននៅកម្ពុជា។ ក្បាច់គុននេះមានដើមកំណើតពីប្រទេសកូរ៉េ។ ឧកញ៉ា សៅ សេងហាក់ បច្ចុប្បន្ននេះជាប្រធានសហព័ន្ធផងដែរក្រោយមហាសន្និបាតឆោះឆ្នោតកាលពីថ្ងៃទី៧ ខែមេសា ២០២២ថ្មីៗនេះ៕
