- 2022-08-11 23:18:19
- កីឡាផ្សេងៗ
វត្តមានរបស់គ្រូ ITF អន្តរជាតិមានសារសំខាន់ចំពោះការបង្កើនសមត្ថភាពដល់ក្រុមកម្ពុជា
- 2022-08-11 23:18:19
- ចំនួនមតិ 0 | ចំនួនចែករំលែក 0
វត្តមានរបស់គ្រូ ITF អន្តរជាតិមានសារសំខាន់ចំពោះការបង្កើនសមត្ថភាពដល់ក្រុមកម្ពុជា
ចន្លោះមិនឃើញ
គ្រូជម្រើសជាតិតេក្វាន់ដូ ITF កម្ពុជា ថាវត្តមាននៃគ្រូអន្តរជាតិដែលបានបង្ហាត់បង្ហាញកីឡាករ កីឡាការិនីម្សិលមិញនេះគឺមានសារប្រយោជន៍ច្រើនជាពិសេសសម្រាប់ការត្រៀមខ្លួនឲ្យបានល្អឆ្ពោះទៅស៊ីហ្គេម ២០២៣។
លោក ហ៊ឹម រីដា គ្រូជម្រើសជាតិតេក្វាន់ដូ ITF បានឲ្យដឹងថា ល្ងាចម្សិលមិញនេះនៅក្នុងសាលរបស់សហព័ន្ធផ្ទាល់គឺមានការបង្ហាត់បង្ហាញពិសេសរបស់គ្រូៗកម្រិតអន្តរជាតិមានប្រទេសម៉ាឡេស៊ី ប្រទេសឥណ្ឌា និងប្រទេសអារ៉ាប់រួម។
គ្រូជម្រើសជាតិរូបនេះបន្ថែមទៀតថា ការបង្ហាត់បង្ហាញនោះគឺមានលើផ្នែកមេគុន និងបច្ចេកទេសប្រកួតមួយចំនួន។ មួយវិញទៀតមានចំណុចថ្មីៗប្លែកច្រើនផងដែរ ដែលសហព័ន្ធតេក្វាន់ដូ ITF ពិភពលោក ឬអន្តរជាតិបានកែប្រែជាបន្តបន្ទាប់។ ការបង្ហាញនេះគឺមានសារសំខាន់ និងជួយច្រើនដល់ក្រុមជម្រើសជាតិ ជាពិសេសនោះកីឡាករ កីឡាការិនីថ្មីៗដែលទើបមកហ្វឹកហាត់មិនទាន់មានបទពិសោធនៅក្រៅប្រទេសតែម្ដង។
រំលឹកដែរថា ប្រតិភូ និងគ្រូបង្វឹកទាំង៤នាក់ មកពីប្រទេសម៉ាឡេស៊ី ឥណ្ឌា និង អារ៉ាប់រួម មកកម្ពុជាតាំងពីថ្ងៃទី៩ មកម្ល៉េះ ហើយវិលត្រឡប់ទៅវិញនៅថ្ងៃនេះ។ ម្សិលមិញនេះគ្រូៗខាងលើនេះបានមកមជ្ឍមណ្ឌលហ្វឹកហ្វឺនកីឡាក្នុងពហុកីឡដ្ឋានជាតិ ជាន់ទី៤ ដែលជាទីតាំងហ្វឹកហាត់របស់សហព័ន្ធតេក្វាន់ដូ ITF ចែករំលែកបច្ចេកទេសផងដែរ៕
