- 2022-10-05 01:13:45
- កីឡាផ្សេងៗ
គ្រូតេក្វាន់ដូ ITF អោក សំនាង៖ ទាំងសិស្សស្រី-ប្រុស ប្រកួតឆ្នាំនេះរីកចម្រើនលើចំណុចនេះ
- 2022-10-05 01:13:45
- ចំនួនមតិ 0 | ចំនួនចែករំលែក 0
គ្រូតេក្វាន់ដូ ITF អោក សំនាង៖ ទាំងសិស្សស្រី-ប្រុស ប្រកួតឆ្នាំនេះរីកចម្រើនលើចំណុចនេះ
ចន្លោះមិនឃើញ
គ្រូតេក្វាន់ដូ ITF អោក សំនាង មកពីក្លឹបក្រសួងហិរញ្ញវត្ថុ ថាការសិស្សៗប្រកួតឆ្នាំនេះគឺល្អ មានចំណុចរីកចម្រើនច្រើនដូចជាបច្ចេកទេស និងមានកីឡាការិនីអាចលេងលើវិញ្ញាសាមេគុនជាដើម។
លោក អោក សំនាង គ្រូប្រចាំក្លឹបក្រសួងហិរញ្ញវត្ថុ និងក្លឹបក្ដីចាស់ បានឲ្យដឹងថា ការប្រកួតជើងឯកថ្នាក់ជាតិឆ្នាំនេះសិស្សៗគឺបង្ហាញភាពរីកចម្រើនច្រើនប្លែកពីឆ្នាំមុន។ អ្វីដែលគួរចាប់អារម្មណ៍នោះគឺសិស្សមានបច្ចេកទេសប្រកួតខ្ពស់ជាងមុន និងកីឡាករ កីឡាការិនីមួយចំនួនទៀតមានសមត្ថភាពឈានដល់ការប្រកួតមេគុន ខណៈឆ្នាំមុនមិនសូវមានលើវិញ្ញាសានេះឡើយ។
អតីតកីឡាករជម្រើសជាតិខាងលើនេះបន្ថែមទៀតថា ទន្ទឹមនិងការរីកចម្រើននេះសិស្សៗដែលចូលរួមប្រកួតក៏នៅមានចន្លោះខ្វះខាតមួយចំនួនដែលត្រូវពង្រឹងដូចជាកម្លាំងស៊ុហ្វជាដើម។ ត្រង់ចំណុចនេះ សំនាង បញ្ជាក់ថាដោយសារកន្លែងហ្វឹកហាត់មិនមានដំបូល ដូច្នេះពេលភ្លៀងម្ដងៗត្រូវអាក់ខាន។
រំលឹកដែរថា ការប្រកួតជើងឯកថ្នាក់ជាតិ ឆ្នាំ២០២២ ដែលទើបបញ្ចប់ទៅកាលពីថ្ងៃទី ៣០ កញ្ញា ២០២២ នេះគឺក្លឹបក្រសួងហិរញ្ញវត្ថុ និងក្ដឹបក្ដីចាស់ ឈ្នះមេដាយមាស២ ប្រាក់៥ សំរឹទ្ធ១០ សរុប១៧គ្រឿង។ កីឡាករ កីឡាការិនី ចូលរួមសរុប ២១នាក់ ស្រី៧៕
