អ៊ុយក្រែនចង់ឱ្យ FIFA ហាមអ៊ីរ៉ង់មិនឱ្យចូលលេង World Cup

2022-11-01 04:17:35
ព័ត៌មាន

2022-11-01 04:17:35
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាគមបាល់ទាត់អ៊ុយក្រែនកាលពីពេលថ្មីៗនេះបានដាក់សំណើទៅកាន់ស្ថាប័នបាល់ទាត់ពិភពលោក FIFA ដាក់បម្រាមប្រទេសអ៊ីរ៉ង់មិនឱ្យចូលលេងក្នុងព្រឹត្តិការណ៍បាល់ទាត់ពិភពលោក FIFA World Cup 2022 ដែលប្រព្រឹត្តិទៅនៅក្នុងប្រទេសកាតារ។

អ៊ុយក្រែនបានលើកយកហេតុផលថា ការបង្ក្រាបបាតុកម្មនៅអ៊ីរ៉ង់ ក៏ដូចជាការសង្ស័យថាអ៊ីរ៉ង់ជាប់ពាក់ព័ន្ធនឹងការឈ្លានពានរបស់រុស្ស៊ីមកលើអ៊ុយក្រែនអាចល្មើសនឹងបទបញ្ញត្តិ និងគោលការណ៍របស់ FIFA។ នេះបើតាមសេចក្ដីថ្លែងការណ៍របស់សមាគមបាល់ទាត់អ៊ុយក្រែន។

FIFA នឹងធ្វើការសម្រេចលើបញ្ហានេះនៅពេលឆាប់ៗ។

ប្រទេសអ៊ីរ៉ង់មានការបង្ក្រាបបាតុកម្មមួយដ៏ធំ ក្រោយពេលដែលមានការចោទប្រកាន់ថា អាជ្ញាធរសីលធម៌អ៊ីរ៉ង់បានធ្វើទារុណកម្មនារីអ៊ីរ៉ង់ម្នាក់រហូតដល់ស្លាប់ ដោយសារតែនារីនោះមិនពាក់កន្សែងបាំងសក់ ឬ កន្សែងហាយចាប់ (Hijab) ឱ្យបានត្រឹមត្រូវ។

ជាមួយគ្នានេះដែរ សម្ព័ន្ធមិត្តបស្ចិមលោកក៏បានចោទប្រកាន់អ៊ីរ៉ង់ថាបានជួយទ្រទ្រង់ឧបត្ថម្ភបរិក្ខារយោធាទៅកាន់យោធារុស្ស៊ីក្នុងការធ្វើប្រតិបត្តិការពិសេសរបស់ខ្លួននៅប្រទេសអ៊ុយក្រែន៕

ប្រភព៖ BBC ប្រែសម្រួល៖ ហ៊ីម រស្មី