Neymar ទទួលបានកាតក្រហមក្នុងប្រកួតក្លឹបដំបូងក្រោយមកពី World Cup

2022-12-29 03:56:52
ព័ត៌មាន

2022-12-29 03:56:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធប្រេស៊ីលកីឡាករ Neymar ទទួលបានកាតក្រហមកាលពីថ្ងៃពុធនៅក្នុងប្រកួតក្លឹបលើកដំបូង ក្រោយពីត្រលប់មកពីព្រឹត្តិការណ៍បាល់ទាត់ពិភពលោក FIFA World Cup នៅប្រទេសកាតា។

ក្នុងប្រកួតរវាងក្លឹប Paris Saint-Germain និងក្លឹប Strasbourg ខ្សែប្រយុទ្ធប្រេស៊ីលទទួលបានកាតលឿង ២ដង ដោយក្នុងនោះអាជ្ញាកណ្ដាលបានបណ្ដេញចេញពីទីលាននៅនាទីទី៦២ ស្របពេលដែល PSG នៅស្មើជាមួយ Strasbourg។

ក្រោយពេល Neymar ទទួលបានកាតក្រហម ខាង PSG ហាក់បីដូចជាតឹងតែងខិតខំរកគ្រាប់បាល់ណាស់ តែនៅខកខានទោះជាមានឱកាសច្រើនក៏ដោយ។ លុះដល់ពេលចុងម៉ោងនៅនាទី៩០បន្ថែម ខ្សែប្រយុទ្ធ Kylian Mbappe បានស៊ុតបាល់ប៉េណាល់ទីមួយ ដែលជួយឱ្យ PSG ស្រោចស្រង់ទទួលបាន ៣ពិន្ទុ។

PSG នៅពេលនេះកំពុងតែឈរនៅកំពូលតារាង Ligue 1 ជាមួយនឹង ៤៤ពិន្ទុ ខណៈក្រុមលេខ ២ គឺក្លឹប Lens មាន ៣៦ពិន្ទុ៕

ប្រភព៖ BBC ប្រែសម្រួល៖ ហ៊ីម រស្មី