- 2023-02-11 03:50:02
- កីឡាផ្សេងៗ
សិក្ខាកាម ITF ៣៤រូបបញ្ចប់វគ្គ «ការប្រឆាំងដូប៉ាក្នុងវិស័យកីឡា» ខណៈវគ្គនេះផ្ដល់សារប្រយោជន៍ច្រើន
- 2023-02-11 03:50:02
- ចំនួនមតិ 0 | ចំនួនចែករំលែក 0
សិក្ខាកាម ITF ៣៤រូបបញ្ចប់វគ្គ «ការប្រឆាំងដូប៉ាក្នុងវិស័យកីឡា» ខណៈវគ្គនេះផ្ដល់សារប្រយោជន៍ច្រើន
ចន្លោះមិនឃើញ
សិក្ខាកាមតេក្វាន់ដូ ITF ចំនួន ៣៤រូបបានឆ្លងកាត់វគ្គបណ្ដុះបណ្ដាល «ការប្រឆាំងដូប៉ាក្នុងវិស័យកីឡា» ក្រោយចំណាយពេលអស់ ៦ថ្ងៃនាពេលកន្លងទៅនេះនៅក្នុងពហុកីឡដ្ឋានជាតិ។
នេះបើតាមឯកឧត្ដម ប៊ួន ហ៊ីងសុធីយ៉ា អគ្គលេខាធិការសហព័ន្ធបានលើកឡើងថា យោងតាមផែនការប្រចាំឆ្នាំក្នុងក្រោមថវិកាគាំទ្ររបស់ក្រសួងអប់រំក្នុងការពន្លឿនការអភិវឌ្ឍវិស័យកីឡាតេក្វាន់ដូ ITF និងយោងតាមរបត់ថ្មីរបស់សហព័ន្ធអន្តរជាតិដែលតម្រូវឲ្យគ្រូបង្ហាត់ កីឡាករ កីឡាការិនី បណ្តាលប្រទេសជាសមាជិកទាំងអស់ត្រូវមានលិខិតបញ្ជាក់ការសិក្សាពាក់ព័ន្ធនឹងការប្រឆាំងដូប៉ាក្នុងវិស័យកីឡា (Anti-Doping E-learning Certificate)។ សិក្ខាកាមបញ្ចប់វគ្គនេះទើបអាចអនុញ្ញាតឲ្យគ្រូបង្ហាត់ កីឡាករ កីឡាការិនី ចូលរួមប្រកួតលក្ខណៈអន្តរជាតិដូចជា ជើងឯកទ្វីបអាស៊ី ជើងឯកពិភពលោក និងព្រឹត្តិការណ៍ផ្សេងៗទៀត។
អគ្គលេខាធិការខាងលើបន្ថែមទៀតថា វគ្គនេះបានធ្វើឲ្យសិក្ខាកាមយល់ច្បាស់អំពីអ្វីជាសារធាតុហាមឃាត់ក្នុងវិស័យកីឡា និងឲ្យកីឡាករ កីឡាការិនីជៀសវាងក្នុងការប្រើបា្រស់សារធាតុហាមឃាត់ដែលធ្វើឲ្យខូចសុខភាព បាត់បង់អាជីពតាមរយៈការហាមឃាត់ការប្រកួតអស់មួយជីវិត ខូចកិត្តិយសខ្លួនឯងក៏ដូចកិត្តិយសជាតិជាដើម។
បញ្ជាក់ដែរថា វគ្គបណ្តុះបណ្តាលស្តីពីការប្រឆាំងដូប៉ាក្នុងវិស័យកីឡាមានសិក្ខាកាមចូលរួមចំនួន ៣៤ នាក់ក្នុងនេះប្រុសចំនួន ២៤នាក់ និងស្រីចំនួន ១០នាក់។ វគ្គនេះសិក្សាកាលពីថ្ងៃទី៤ ដល់ ៩ ខែកុម្ភៈ ឆ្នាំ២០២៣ នៅក្នុងពហុកីឡដ្ឋានជាតិ៕
