- 2017-07-04 19:20:03
- វិភាគ
ហែមថុន វិទីនី៖ ថាកីឡាហែលទឹកកម្ពុជានៅក្រោមប្រទេសជិតខាងនៅឡើយ
- 2017-07-04 19:20:03
- ចំនួនមតិ 0 | ចំនួនចែករំលែក 0
ហែមថុន វិទីនី៖ ថាកីឡាហែលទឹកកម្ពុជានៅក្រោមប្រទេសជិតខាងនៅឡើយ
ចន្លោះមិនឃើញ
កីឡាការិនីហែលទឹកកម្ពុជាដែលធ្លាប់បង្ហាញមុខនៅព្រឹត្តិការណ៏កីឡាអូឡាំពិកនាប្រទេសប្រេស៊ីល ហែមថុន វិទីនី លើកហេតុផលមួយចំនួនដែល កីឡាហែលទឹកកម្ពុជានៅមានកម្រិតក្រោមប្រទេសជិតខាង។
កីឡាការិនី ហែមថុន វិទីនី បានឲ្យដឹងថា បើប្រៀបធៀបសមត្ថភាពជាមួយប្រទេសជិតខាងនោះ កម្ពុជានៅមិនទាន់ស្មើប្រទេសជិតខាងដូចជាថៃនោះទេ ព្រោះប្រទេសទាំងនោះមានការហ្វឹកហាត់ខ្លាំងណាស់។ ជាក់ស្ដែងដូចកញ្ញាបានចេញទៅហាត់នៅប្រទេសថៃកន្លងទៅមុនចេញទៅព្រឹត្តិការណ៏កីឡាអូឡាំពិកម្ល៉េះ បច្ចេកទេសហ្វឹកហាត់គេខុសប្លែកពីកម្ពុជា គេមិនត្រឹមតែហាត់ហែលទឹកមួយមុខទេ គឺគេផ្ដោតលើការហាត់កម្លាំងដូចជាលើកដុំដែក ទាញខ្សែពួរ ហាត់ប្រដាល់ និយាយជារួមហាត់អ្វីដែលប្រើកម្លាំងខ្លាំងគឺគេឲ្យហាត់ទាំងអស់។
វិទីនី បន្តទៀតថា បច្ចុប្បន្នការហ្វឹកហាត់នៅកម្ពុជាមិនទាន់ជឿនលឿនដូចប្រទេសទាំងនោះទេ ហើយឧបករណ៍មិនទាន់គ្រប់គ្រាន់ដូចគេដែរ។ បើនិយាយពីរាងកាយ(កម្ពស់)មិនជាបញ្ហានោះទេ ពេលខ្លះអ្នកមានកម្ពស់ខ្ពស់ ក៏ហែលចាញ់អ្នកទាបក៏មានផងដែរ ដូចនេះកត្តាមួយនេះវាមិនមែនជាចំណុចដែលកម្ពុជាចាញ់គេឡើយ។
កញ្ញា ហែមថុន វិទីនី ជាកីឡាការិនីហែលទឹករបស់កម្ពុជា ដែលមានបទពិសោធច្រើនក្នុងការប្រកួតព្រឹត្តិការណ៏ធំៗនាពេលកន្លងមក ហើយកញ្ញានឹងត្រូវចេញទៅប្រកួតកីឡាស៊ីហ្គេមនៅឯប្រទេសម៉ាឡេស៊ីនាខែសីហាខាងមុខនេះជាមួយអត្តពលិកដទៃទៀត៕
