កីឡាករវាយកូនគោលជម្រើសជាតិកម្ពុជា ឈ្នះជើងឯក Metfone Golf Championship 2017

2017-07-23 19:50:38
ព័ត៌មាន

2017-07-23 19:50:38
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជម្រើសជាតិវាយកូនគោលកម្ពុជា ពៅ ពេជ្រមេត្តា ឈ្នះជើងឯក Metfone Golf Championship ២០១៧ កាលពីម្សិលមិញនៅតារាងវាយកូនគោល City Golf។

កីឡាករ ពៅ ពេជ្រមេត្តា ពេលទទួលពានរង្វាន់

កីឡាករ ពៅ ពេជ្រមេត្តា បានឲ្យដឹងម្សិលមិញនេះថា លោកពិតជាមានចិត្តសប្បាយរីករាយខ្លាំងដែលបានឈ្នះជើង Metfone Golf Championship 2017 ហើយអ្វីដែលកីឡាកររូបនេះខំប្រឹងនាពេលកន្លងមកនេះ ឥលូវទទួលលទ្ធផលល្អផងដែរ ហើយលោកនឹងខំប្រឹងបន្តទៀតដើម្បីរកមេដាយជូនជាតិនៅពេលកីឡាស៊ីហ្គេម ឆ្នាំ២០១៧ នាខែក្រោយនេះ។

ពិធីប្រគល់ពានរង្វាន់

លោក ឈុន អូន ប្រធានក្លឹប City Golf បានឲ្យដឹងក្នុងពេលចែករង្វាន់នេះដែរថា កម្មវិធីនេះបង្កើតឡើងគឺដើម្បីបង្កើតចំណងទំនាក់ទំនងរវាងកីឡាករនិងកីឡាករ ឲ្យមានភាពស្វិតស្នាលគ្នាថែមទៀត។ ក្រៅពីនេះក៏អាចជួយអភិវឌ្ឍន៍កីឡាវាយកូនគោលកម្ពុជាក៏ដូចជារួមចំណែកបង្កើនសមត្ថភាពកីឡាករកីឡាការិនី ឲ្យរឹតតែមានសមត្ថភាពខ្លាំងថែមទៀត ដើម្បីអាចឈានទៅចូលរួមប្រកួតប្រជែងក្នុងកម្មវិធីនានាក្នុងស្រុក ឬនៅលើឆាកអន្តរជាតិជាដើម។ ប្រធានក្លឹបរូបនេះនឹងបង្កើតពានរង្វាន់នេះនៅថ្ងៃទី២២ ខែកក្កដា ឆ្នាំ ២០១៨ បន្តទៀត។

កីឡាករដែលចូលរួមប្រកួត

ការប្រកួតនេះធ្វើឡើងរយៈពេល១ថ្ងៃពេញ នៅឯក្លឹបវាយកូនគោល City Golf។ សម្រាប់កីឡាករដែលជាប់លេខ Flight A រួមមាន លេខ១ ពៅ ពេជ្រមេត្តា លេខ២ Im Reahul លេខ៣ Kem Samrach ខណៈ Flight B លេខ១ Chum Sam Am លេខ២ Men Ra លេខ៣ Phorn Nara៕

ចុចអានអត្ថបទបន្ដ៖

ស្រាយចម្ងល់រឿង ក្រុមមីយ៉ាន់ម៉ា មាន៦ពិន្ទុ តែនៅធ្លាក់ចេញ ខណៈក្រុមផ្សេងមានត្រឹម៥ពិន្ទុជាប់

Wenger ដឹងមូលហេតុ PSG ជ្រួលជ្រើមខ្លាំងចង់បាន Neymar មិនដកដៃ

អត្ថបទ៖ នួន ស៊ីណា