- 2017-09-01 02:45:52
- ព័ត៌មាន
កីឡាករប្រណាំងម៉ូតូរបស់កម្ពុជា៤រូបចេញទៅប្រជែងពានរង្វាន់នៅវៀតណាម
- 2017-09-01 02:45:52
- ចំនួនមតិ 0 | ចំនួនចែករំលែក 0
កីឡាករប្រណាំងម៉ូតូរបស់កម្ពុជា៤រូបចេញទៅប្រជែងពានរង្វាន់នៅវៀតណាម
ចន្លោះមិនឃើញ
កីឡាករកម្ពុជា៤រូប រួមនិងជំនួយការម្នាក់ទៀត បានការអញ្ជើញពីប្រទេសវៀតណាមដើម្បីទៅចូលរួមកម្មវិធីប្រណាំងម៉ូតូអន្តរជាតិដែលនឹងចាប់ផ្ដើមនៅថ្ងៃស្អែកនេះ។
លោក គង់ ធារ៉ា ដែលជាអ្នកដឹកនាំក្រុមកីឡាករជិះម៉ូតូទៅចូលរួមប្រណាំងនេះបានប្រាប់ឲ្យដឹងថា ដោយមានការអញ្ជើញពីប្រទេសវៀតណាម ឲ្យទៅចូលរួមកម្មវិធីប្រណាំងម៉ូតូនេះ លោកក៏បានរៀបចំ និងបញ្ចូលកីឡាករ៥រូបឲ្យទៅប្រកួតតាមការអញ្ចើញ។ ដោយឡែកកីឡាករដែលត្រូវប្រណាំងនោះគឺមានតែ ៤រូប ហើយសម្រាប់ម្នាក់ទៀតគឺជំនួយការក្នុងការជួយសម្រួលដល់ការប្រកួត ហើយការចេញទៅនេះជាលក្ខណៈឯកជននោះទេ។
អ្នកដឹកនាំកីឡាករខាងលើបន្តទៀតថា ការប្រណាំងដែលធ្វើនៅប្រទេសវៀតណាមនេះ គឺកីឡាករកម្ពុជានឹងត្រូវប្រកួតលើប្រភេទកម្លាំង KTM RC 390cc និង Yamaha Exciter 150cc។ ចំពោះការបញ្ជូនកីឡាករឲ្យបានទៅចូលរួមនេះដែរ ក៏បានការជួយជ្រោមជ្រែងពីទីលានប្រណាំងម៉ូតូ King Track Circuit និង Y2K ហើយឧត្ដមដោយក្រុមហ៊ុន SK Zic ផងដែរ។
ចំណែកលោក ហេង រដ្ឋខេមរិន្ទ ដែលជាកីឡាករបានឲ្យដឹងដែរថា នេះជាលើកទី១ហើយសម្រាប់ការចេញទៅប្រកួតនៅក្រៅប្រទេស ហើយចំពោះការចេញទៅនេះដែរ លោកសង្ឃឹមថានឹងទទួលបានបទពិសោធពីក្រៅប្រទេសថែមទៀត ព្រោះបានជួបសុទ្ធតែប្រទេសខ្លាំងៗ ប៉ុន្តែក៏ហ៊ានរំពឹងទៅលើលទ្ធផលល្អដែរ ដោយសារនេះជាលើកដំបូង។
ការប្រកួតប្រណាំងម៉ូតូអន្តរជាតិដែលធ្វើនៅប្រទេសវៀតណាមនេះមានរយៈពេល៣ថ្ងៃគឺចាប់ពីថ្ងៃទី២ ដល់ថ្ងៃទី៤ កញ្ញា ទើបបញ្ចប់។ សម្រាប់ប្រទេសដែលចូលរួម មាន ថៃ ហ្វីលីពីន កម្ពុជា និងម៉ាកាវ។ កីឡាករកម្ពុជាដែលត្រូវទៅចូលរួមនោះរួមមាន ហេង រដ្ឋខេមរិន្ទ ពេជ្រ គឹមស៊្រុន សុខសួន អរុណ ភិន ពិសិដ្ឋ និង សុខសួន តារា៕
