- 2017-11-26 23:11:46
- ព័ត៌មាន
រកឃើញជើងឯកថ្នាក់ជាតិកាយវប្បកម្មទាំង៥ប្រភេទទម្ងន់នៅកោះពេជ្រម្សិលមិញនេះ
- 2017-11-26 23:11:46
- ចំនួនមតិ 0 | ចំនួនចែករំលែក 0
រកឃើញជើងឯកថ្នាក់ជាតិកាយវប្បកម្មទាំង៥ប្រភេទទម្ងន់នៅកោះពេជ្រម្សិលមិញនេះ
ចន្លោះមិនឃើញ
ការប្រកួតជ្រើសរើសជើងឯកថ្នាក់ជាតិលើកទី១ ឆ្នាំ២០១៧ ដែលបានការឧបត្ថម្ភពីក្រុមហ៊ុន MFiT នាយប់មិញនេះនៅឯកោះពេជ្រ រកឃើញហើយកីឡាករទាំង៥រូបដែលជាម្ចាស់មេដាយលើប្រភេទទម្ងន់និមួយៗ។
លោក តឹក ប៊ុនវី អគ្គលេខាធិការខេមរៈសហព័ន្ធកាយវប្បកម្មបានឲ្យដឹងថា នេះជាលើកទី១ហើយសម្រាប់ប្រទេសកម្ពុជាដែលមានការប្រកួតកាយវប្បកម្មដូចនេះ ហើយកម្មវិធីប្រព្រឹត្តិទៅដោយជោគជ័យនិងបានល្អទៀតផង ដែលរដូវកាលទី១ នេះត្រូវបានរៀបចំឡើងដោយក្រុមហ៊ុន MFiT និងមានការចូលរួមសហការដោយសហព័ន្ធកីឡាកាយវប្បកម្មកម្ពុជា។ លោកមើលឃើញថាបច្ចុប្បន្ននេះកីឡាមួយនេះមានការរីកចម្រើនខ្លាំង ជាក់ស្ដែងមានកីឡាករច្រើន ហើយពួកគេមានការយល់ដឹងអំពីរបៀបរបបនៃការសម្រក់ទម្ងន់ តម្កើងទម្ងន់ បរិភោគអាហារ ការហ្វឹកហាត់ត្រឹងត្រូវទៀតផង។
ខាងក្រោមនេះជាលទ្ធផលទៅតាមប្រភេទទម្ងន់និមួយៗ៖
ទី១ ទម្ងន់ ៦០គីឡូក្រាមចុះ មេដាយមាសបានទៅលើ ផុន ដានី
ទី២ ទម្ងន់ចាប់ពី ៦០-៦៥គីឡូក្រាម មេដាយមាសបានទៅលើ ឆឹង ណូរ៉ា
ទី៣ ទម្ងន់ចាប់ពី ៦៥-៧០គីឡូក្រាម មេដាយមាសបានទៅលើ លឿង មុនី
ទី៤ ទម្ងន់ចាប់ពី ៧០-៧៥គីឡូក្រាម មេដាយមាសបានទៅលើ ដុំ សារិទ្ធ
ទី៥ ទម្ងន់ចាប់ពី ៧៥-៨០គីឡូក្រាម មេដាយមាសបានទៅលើ ឈួង រ៉ៃយា
សម្រាប់ជយលាភីលេខ១ ពានរង្វាន់ MFiT ដែលយកអ្នកឈ្នះមេដាយមាសទាំង៥ប្រភេទប្រកួតគ្នាបន្តទៀតនោះបានទៅលើកីឡាករ ឈួង រ៉ៃយា ដូច្នេះកីឡាកររូបនេះឈ្នះពីរពានរង្វាន់ក្នុងកម្មវិធីជ្រើសរើសជើងឯកថ្នាក់ជាតិលើកទី១នេះ។
នេះជាព្រឹត្តិការណ៍ជ្រើសរើសជើងឯកថ្នាក់ជាតិលើកទី១ឆ្នាំ២០១៧ លើប្រភេទកីឡាកាយវប្បកម្មនៅឯកោះពេជ្រ កាលពីថ្ងៃទី២៦ ខែវិច្ឆិកា ដែលមាន១១ក្លឹបមកពីទូទាំងប្រទេសកម្ពុជាចូលរួម ប្រកួតលើ៥ប្រភេទទម្ងន់ផ្សេងគ្នា។
លោក អឿ វណ្ណមុនា អ្នកតំណាងក្រុមហ៊ុន MFiT បានបង្ហាញចំណាប់អារម្មណ៍ថា៖ "MFiT មើលឃើញកីឡាករកាយវប្បកម្មជំនាន់ថ្មីនិងចាស់សុទ្ធតែមានសមត្ថភាព និងមានចំនួនកាន់តែច្រើនក្នុងប្រតេសកម្ពុជា។ ដូច្នេះហើយបានជា MFiT សម្រេចសហការជាមួយសហព័ន្ធបង្កើតកម្មវិធីនេះឡើង ដើម្បីឱ្យកីឡាករទាំងអស់បានបញ្ចេញសមត្ថភាព និងអាចឈានដល់ឆាកអន្តរជាតិ"៕
