​កែវ សុខសិលា អ្នក​ចាំ​ទី​របស់​ក្រុម​វិសាខា​បាន​ចាប់​បាល់​យ៉ាង​ល្អ​ ពី​ការ​ស៊ុត​បាល់​កាត់​សេចក្ដី​ ១១ ម៉ែត្រ គ្រាប់​បាល់​ដំបូង​របស់​ ម៉ាត់ ណូរុន ដើម្បី​ជួយ​ ក្រុម​របស់​ខ្លួន​ឲ្យ​ឡើង​ទៅ​កាន់​វគ្គ ៤ ក្រុម​ចុង​ក្រោយ​ពាន Hun Sen Cup 2020 ​កាល​ពី​ម្សិល​មិញ​នេះ​នៅ​ទីលាន របស់​វិសាខា។

​អតីត​អ្នក​ចាំ​ទី​របស់​ភ្នំពេញ​ក្រោន​រូប​នេះ​បាន​​និយាយ​ថា​ «និយាយ​ទៅ​បង​! មុន​ការ​ប្រកួត​ហ្នឹង តាម​ពិត​ទៅ​ពួក​ខ្ញុំ​បាន​មើល​វីដេអូ​របស់​ពួក​គាត់​ច្រើន​​ ហើយ​បាន​អនុវត្តន៍​​ផ្ទាល់​ទៀត​។ ចឹង​ទៅ ​ពួក​ខ្ញុំ​បាន​យល់​ដឹង​ច្រើន​ ពី​ពួក​គាត់ (បឹងកេត) »។

សិលា បាន​ជួយ​សង្គ្រោះ​បាល់​មួយ​គ្រាប់​នោះ​យ៉ាង​ល្អ ដើម្បី​ជួយ វិសាខា ឲ្យ​ឈ្នះ​ការ​ទាត់​​បាល់​កាត់​សេចក្ដី​១១​ម៉ែត្រ​ដោយ​លទ្ធផល ៤-៣ ​ក្រោយ​ស្មើ​គ្នា​​ទាំង​ពីរ​ជើង ៤-៤។ វិសាខា នឹង​​លេង​តទល់​ជាមួយ​ខេត្ត​ ព្រៃវែង ក្នុង​វគ្គ ៤ ក្រុម​ចុង​ក្រោយ​​នៃ​ពាន​រង្វាន់​ខាង​លើ ស្រប​ពេល​​ក្រុម ភ្នំពេញ​ក្រោន នឹង​ប៉ះ ណាហ្គាវើល ៕