ស្រីៗដែលលួច Crush បុរសសង្ហា លឹម ពិសុទ្ធ អាចមានសង្ឃឹម ព្រោះគេមិនទាន់មានម្ចាស់បេះដូងទេ

2021-09-08 19:20:34
បាល់ទាត់

2021-09-08 19:20:34
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសសង្ហា លឹម ពិសុទ្ធ មិនទាន់មានម្ចាស់បេះដូងនៅឡើយទេ ដូច្នេះស្រីៗដែលបានលួច Crush យុវជនភ្នំពេញក្រោន និងជម្រើសជាតិរូបនេះនៅអាចមានសង្ឃឹម។

យុវជនវ័យ២០ឆ្នាំរូបនេះបាននិយាយថា «នៅទេបងខ្ញុំមិនទាន់មានម្ចាស់បេះដូងទេ។ តែពេលនេះខ្ញុំកំពុងរៀនហ្នឹងខ្ញុំមិនទាន់ចង់បានទេគឺខ្ញុំចង់ផ្ដោតលើការសិក្សាសិន»។ យុវជនដដែលបន្ថែមថា ខ្លួនបានរៀនចប់ថ្នាក់ទី១២ និងកំពុងរៀបចំដាក់ពាក្យចូលវៀននៅសាលាជាតិគ្រប់គ្រង។

ដើមឡើយយុវជនកើតនៅភ្នំពេញរូបនេះគ្រោងដាក់ពក្យចូលរៀននៅដើមឆ្នាំនេះ ប៉ុន្តែដោយសារកូវីតទើបត្រូវពន្យារពេលរហូតមកដល់ពេលនេះ។ រំលឹកថា ខ្សែប្រយុទ្ធវ័យក្មេងរបស់កម្ពុជារូបនេះបានជាប់ជម្រើសជាតិម្ដងហើយកាលទៅលេងនៅបារ៉ែនក្នុងព្រឹត្តិការណ៍ជម្រុះ World Cup ហើយសម្រាប់ជម្រើសជាតិទល់កោះហ្គាំក្នុងព្រឹត្តិការណ៍ជម្រុះ AFC Asian Cup ខែតុលា ខាងមុខនេះគេក៏ជាបេក្ខភាពស្ថិតក្នុងការរំពឹងថា នឹងបានជាប់ដូចគ្នា។

លឹម ពិសុទ្ធ កើតថ្ងៃទី២៩ ខែសីហា ឆ្នាំ២០០១ ដោយចូលហាត់បាល់ដំបូងជាមួយយុវជនភ្នំពេញក្រោននៅអាយុ ១៣ ឆ្នាំក្នុងឆ្នាំ២០១៤។ ក្នុងការចូលហាត់ U13 ជាមួយក្រោននេះគេក៏បានជាប់ជម្រើសជាតិ U13 ក្រោយមកដល់ឆ្នាំ២០១៥ ក៏បានជាប់ជម្រើសជាតិ U14 ម្ដងទៀត ហើយបច្ចុប្បន្នក៏បានជាប់ជម្រើសជាតិ U19 ផងដែរ។

ខ្សែប្រយុទ្ធកំពុងលេចធ្លោរូបនេះមានបងប្អូនបង្កើតចំនួន ៤ នាក់គេជាកូនទី២ ក្នុងគ្រួសារ ឪពុករបស់គេឈ្មោះ លឹម វុទ្ធី ធ្វើការងារអង្គការមួយ ម្ដាយឈ្មោះ ផុង រ៉ា មេផ្ទះ។ យុវជនរូបនេះបានចូលហាត់បាល់ដំបូងដោយសារឪពុករបស់គេមើលឃើញចេះលេងបាល់ និងចូលចិត្តលេងបាល់ក៏ប្រាប់ពូបង្កើតរបស់គេ រស់ សំអឿន ឲ្យទាក់ទងក្លឹបភ្នំពេញក្រោនដើម្បីធ្វើតេស្តឲ្យចូលហាត់តែម្ដង៕