មិនធម្មតា! វឿន វាសនា ឈ្នះពានរង្វាន់ឯកត្តជន៣ម្នាក់ឯង

2021-10-17 19:12:36
បាល់ទះ

2021-10-17 19:12:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតដណ្ដើមពានរង្វាន់បាល់ទះ Special Volleyball Challenge បានបិទបញ្ចប់ហើយកាលពីថ្ងៃទី១៧ ខែតុលា ឆ្នាំ២០២១ ដោយសមាគមន៍បាល់ទះវិសាខាជាក្រុមឈ្នះជើងឯក ក្រោយបំពាក់ PS Concrete ២ សិត ០ ខណៈ វឿន វាសនា ឈ្នះពានរង្វាន់ឯកត្តជនដល់ទៅ៣ម្នាក់ឯង។

កីឡាករ វឿន វាសនា

ពានរង្វាន់ដែលស្មាត់ធំរបស់វិសាខាមានដើមកំណើតមកពីខេត្តបាត់ដំបងទទួលបានមាន ពានកីឡាករវាយប្រយុទ្ធល្អជាងគេ ពានកីឡាករធ្វើរនាំងល្អជាងគេ និងពានរង្វាន់កីឡាករឆ្នើម។

ក្រៅពី វឿន វាសនា កីឡាករវិសាខាពីររូបទៀត សួន ចាន់ណារ៉ូ និង សឿន ហេង ឈ្នះពានរង្វាន់ម្នាក់មួយគឺ អ្នកលើកល្អជាងគេ និងអ្នកវាយសេវាល្អជាងគេ ចំណែកស្មាត់មកពីក្លឹបក្រសួងមហាផ្ទៃ ធី ម៉េងហួង ក៏ទទួលបានពានកីឡាករវាយសេវាល្អជាងគេមួយដែរ។

ចំណាត់ថ្នាក់លេខ២ នៃពានរង្វាន់នេះបានទៅលើក្រុម PS Concrete និងលេខ៣បានលើក្រុមក្រសួងមហាផ្ទៃ។ ដោយឡែកក្រុមអធិរាជប្រអប់ ឈ្នះពានរង្វាន់ក្រុមលេងដោយយុត្តិធម៌។

ក្រុមជើងឯកទទួលបានទឹកប្រាក់១០លានរៀល ជើងឯករងទទួលបាន ៨លានរៀល និងលេខ៣ទទួលបាន៦លានរៀល ចំណែកអ្នកឈ្នះពានរង្វាន់ឯកត្តជននីមួយៗ ទទួលបានទឹកប្រាក់លើកទឹកចិត្ត៤០ម៉ឺនរៀល។

គួរបញ្ជាក់ថា ការប្រកួតដណ្ដើមពានរង្វាន់ Special Volleyball Challenge 2021 មានក្រុមចំនួន១១ចូលរួម ដោយបែងចែឺកជា២ពូល ហើយការប្រកួតបានចាប់ពីថ្ងៃទី ២៤ កញ្ញា ដល់ថ្ងៃទី១៧ តុលា ឆ្នាំ២០២១៕