ខ្សែបម្រើរូបនេះថា Newcastle នឹងក្លាយជើងជាឯក UCL និងជាក្លឹបដ៏ខ្លាំងជាងគេនៅថ្ងៃណាមួយ

2022-02-08 05:22:02
បាល់ទាត់

2022-02-08 05:22:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Bruno Guimaraes ដែលជាកីឡាករទើបផ្លាស់ពីក្លឹប Lyon មកកាន់ក្លឹប Newcastle United បាននិយាយទៅកាន់សារព័ត៌មានកាលពីម្សិលមិញថា គេជឿជាក់ក្លឹប Newcastle របស់គេនឹងក្លាយជាជើងឯកពាន UEFA Champions League ក៏ដូចជាក្លាយជាក្លឹបដ៏ខ្លាំងជាងគេ នៅថ្ងៃណាមួយនាពេលអនាគត។

Guimaraes បាននិយាយថា៖" ក្លឹប Newcastle នេះនឹងក្លាយជាក្លឹបដ៏មានឥទ្ធិពលខ្លាំងជាងគេនៅក្នុងពិភពបាល់ទាត់។ នេះជាក្លឹបដ៏ក្លឹបជាប្រវត្តិសាស្ត្រមួយ ដែលមានទំនៀមទម្លាប់ដ៏ល្អ ក៏ដូចជាប្រវត្តិដ៏អស្ចារ្យមួយ។ ខ្ញុំអត់មានអីត្រូវសង្ស័យពីការសម្រេចចិត្តមកក្លឹបនេះទេ "។

ខ្សែបម្រើរូបនេះក៏បាននិយាយដោយការជឿជាក់ថា គោលបំណងរបស់ក្លឹបគេនៅរដូវកាលខាងមុខៗនេះគឺចូលរួមក្នុងការប្រកួត UCL និងយកឈ្នះការប្រកួតពានមួយនេះផងដែរ។

គួរបញ្ជាក់ផងដែរថា Newcastle បានផ្លាស់មកម្ចាស់ថ្មីកាលពីឆ្នាំទៅគឺ ព្រះអង្គម្ចាស់ Mohammed bin Salman ដែលជាបុគ្គលម្នាក់ដែលមានទ្រព្យសម្បត្តិរាប់រយពាន់លានដុល្លារ ដោយកាលពីរដូវកាលទិញដូរខែមករាកន្លងទៅនេះក្លឹប Newcastle ក៏បានចំណាយលុយនាំចូលកីឡាករច្រើនជាងគេផងដែររហូតទៅដល់៧នាក់។

នៅខណៈនេះក្លឹបខាងលើមានការលំបាកនៅក្នុងការប្រកួត Premier League ដោយឈរនៅលើចំណាត់ថ្នាក់ទី១៩ នៃការប្រកួត និងមាន ១៥ពិន្ទុប៉ុណ្ណោះ៕

ប្រភព៖ BBC ប្រែសម្រួល៖ ហ៊ីម រស្មី