ប្រធានសហព័ន្ធបាល់ទាត់បារាំងថា Mbappe មានឱកាសច្រើនក្នុងការឈ្នះ Ballon d'or បើបន្តនៅ PSG

2022-03-23 04:34:12
បាល់ទាត់

2022-03-23 04:34:12
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Noel Le Graet ប្រធានសហព័ន្ធបាល់ទាត់បារាំង បាននិយាយទៅកាន់សារព័ត៌មាន Ouest-France នៅក្នុងថ្ងៃនេះថា នៅបន្តជាមួយក្លឹប Paris Saint Germain ខ្សែប្រយុទ្ធ Kylian Mbappe មានឱកាសច្រើនក្នុងការឈ្នះពាន Ballon d'Or ។

លោក Le Graet បាននិយាយថា៖" ខ្ញុំចង់ឲ្យ Kylian បន្តនៅ Paris ។ សម្រាប់បាល់ទាត់នៅបារាំងនេះ យើងគួរតែមានកីឡាករមួយរូប ដែលស្ថិតក្នុងចំណោមកីឡាករឆ្នើមបំផុតលើលោកទើបល្អ។ បើមិនបានអញ្ចឹងទេ ក៏បាននៅក្នុងលីគកំពូលនៅនេះដែរ "។

លោកបានបន្តថា៖" ខ្ញុំគិតថា Mbappe មានឱកាសច្រើនក្នុងការឈ្នះពាន Ballon d'Or ជាមួយ PSG ជាជាងជាមួយក្លឹបដទៃទៀត។ ព្រោះតែកាលណាយើងប្ដូរក្លឹប យើងត្រូវតែផ្សាំជាមួយនឹងបរិយាកាសថ្មីនៅទីនោះហើយ"។

នៅរដូវកាលនេះ Mbappe ចូលលេងឲ្យ PSG បាន ៣៧ប្រកួតហើយ និងស៊ុតចូលបាន ២៦គ្រាប់។ ខ្សែប្រយុទ្ធនេះនឹងដាច់កុងត្រាជាមួយក្លឹបបារាំងនេះរដូវកាលនេះហើយ បើមិនបន្តកុងត្រាកុងត្រាថ្មី៕

ប្រភព៖ Marca ប្រែសម្រួល៖ ហ៊ីម រស្មី