- 2023-03-06 18:33:28
- បាល់ទាត់
Neymar ត្រូវវះកាត់កជើងនិងសម្រាករហូតដល់ចប់រដូវកាលនេះ
- 2023-03-06 18:33:28
- ចំនួនមតិ 0 | ចំនួនចែករំលែក 0
Neymar ត្រូវវះកាត់កជើងនិងសម្រាករហូតដល់ចប់រដូវកាលនេះ
ចន្លោះមិនឃើញ
ខ្សែបម្រើប្រយុទ្ធរបស់ Paris St-Germain កីឡាករ Neymar នឹងត្រូវសម្រាករហូតដល់ចប់រដូវកាលនេះ ដោយសារតែគេត្រូវវះកាត់របួសកជើង។
កីឡាករសញ្ជាតិប្រេស៊ីលត្រូវបានប្ដូរចេញព្រោះតែរបួសកជើងខាងស្ដាំ អំឡុងការប្រកួត PSG យកឈ្នះ ៤-៣ លើ Lille កាលពីថ្ងៃទី ១៩ ខែ កុម្ភៈ។ ក្លឹប PSG បាននិយាយថា កីឡាករវ័យ៣១ឆ្នាំបានរបួសត្រង់កជើងខាងស្ដាំជាច្រើនដងនៅប៉ុន្មានឆ្នាំចុងក្រោយនេះ ហើយការវះកាត់គឺចាំបាច់ដើម្បីជៀសវាងហានិភ័យធំកើតឡើង។
ពួកគេបានបន្ថែមទៀតថា Neymar ត្រូវសម្រាកពី៣ទៅ៤ខែ មុនពេលអាចត្រឡប់មកកាន់ការហ្វឹកហាត់វិញបាន។ កន្លងទៅ Neymar បានខកខាន២ប្រកួតឲ្យជម្រើសជាតិប្រេស៊ីលក្នុងព្រឹត្តិការណ៍ World Cup ២០២២ បន្ទាប់ពីរបួសក្នុងការប្រកួតបើកឆាកទល់នឹងស៊ែប៊ី៕
