- 2023-04-25 22:53:57
- បាល់ទាត់
អង្គការផ្កាយសមុទ្រ៖ បិទបញ្ចប់ការប្រកួតវិលជុំ AIA-ISF Youth League នៅទីរួមខេត្តកំពង់ធំ
- 2023-04-25 22:53:57
- ចំនួនមតិ 0 | ចំនួនចែករំលែក 0
អង្គការផ្កាយសមុទ្រ៖ បិទបញ្ចប់ការប្រកួតវិលជុំ AIA-ISF Youth League នៅទីរួមខេត្តកំពង់ធំ
ចន្លោះមិនឃើញ
អង្គការផ្កាយសមុទ្រ បានធ្វើពិធីបិទបញ្ចប់ការប្រកួតវិលជុំពានរង្វាន់ កុមារ និងយុវជន AIA-ISF Youth League នៅខេត្តកំពង់ធំ ក្រោមភាពរីករាយជាខ្លាំងពីអ្នកចូលរួម។
បន្ទាប់ពីការប្រកួតយ៉ាងស្វិតស្វាញកាលពីថ្ងៃទី២៣ ខែមេសា ឆ្នាំ២០២៣ នៅទីរួមខេត្តកំពង់ធំរួចមកអង្គការផ្កាយសមុទ្របានរកឃើញជើងខ្លាំងទាំង៤ក្រុមហើយគឺមាន ក្រុមកុមារីអាយុក្រោម ១៨ឆ្នាំ White Panther, ក្រុមកុមារាអាយុក្រោម ១៤ឆ្នាំ យុវជនគោកងួន, ក្រុមកុមារីអាយុក្រោម ១៤ឆ្នាំ ក្លឹបបាល់ទាត់នារតី និងក្រុមកុមារាអាយុក្រោម ១០ឆ្នាំ ភូមិសាលាវិស័យ។
ក្រុមជើងខ្លាំងទាំងបួននេះនឹងចូលរួមប្រកួតក្នុងព្រឹត្តិការណ៍ប្រកួតបាល់ទាត់វិលជុំកុមារ និងយុវជន AIA-ISF Grand Championship វគ្គផ្ដាច់ព្រ័ត្រដែលនឹងប្រព្រឹត្តនៅថ្ងៃទី១១ ខែមិថុនា ឆ្នាំ២០២៣ នៅកីឡាដ្ឋាន AIA Stadium, KMH Park នៅរាជធានីភ្នំពេញ។
បញ្ជាក់ដែរថា កម្មវិធីបាល់ទាត់របស់អង្គការផ្កាយសមុទ្រនេះផ្តល់ឱកាសទូលំទូលាយដល់កុមារ និងយុវជនក្រីក្រក្នុងការលេង និងប្រកួតប្រជែងកីឡាប៉ុណ្ណោះទេ ប៉ុន្តែថែមទាំងជួយលើកកម្ពស់ការចូលរួមក្នុងសង្គម និងជួយឲ្យកីឡាករ កីឡាការនី អភិវឌ្ឍជំនាញសំខាន់ៗដូចជា ទំនុកចិត្តលើខ្លួនឯង និងការតស៊ូជាដើម។ ទាំងនេះគឺសុទ្ធសឹងតែជាជំនាញមិនអាចខ្វះបានសម្រាប់ពួកគេដើម្បីទទួលជោគជ័យទាំងក្នុង និងក្រៅទីលានប្រកួត។ កម្មវិធីប្រកួតនេះដែរគឺបានការសហការរវាងអង្គការផ្កាយសមុទ្រ (ISF) និងក្រុមហ៊ុនធានារ៉ាប់រងអាយុជីវិត និងសុខភាព អេ អាយ អេ ខេមបូឌា៕
