Ramsey ចង់បញ្ចប់កំណត់ត្រាមិនលើកពាន Premier League ១១ឆ្នាំរបស់ Arsenal

2015-12-21 14:34:27
បាល់ទាត់

2015-12-21 14:34:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Aaron Ramsey ចង់បញ្ចប់កំណត់ត្រាមិនដែលលើកពានក្របខ័ណ្ឌកំពូលអង់គ្លេសរយៈពេល១១ឆ្នាំរបស់កាំភ្លើងធំ Arsenal ត្រឹមរដូវកាលនេះ។ ការមានសុទិដ្ឋិនិយមរបស់កីឡាករវ័យ២៤ឆ្នាំ គឺបន្ទាប់ពី Arsenal កំពុងក្លាយជាក្រុមប្រជែងតំណែងជើងឯកនៅ Premier League ដោយស្ថិតនៅចំណាត់លេខ២ ក្បែរក្រុមកំពូលតារាង Leicester។

Ramsey បានឲ្យដឹងថា៖ "Arsenal នឹងប៉ះ Man City ដែលជាក្រុមមួយក្នុងចំណោមក្រុមកំពូលទាំង៤។ ពួកគេមានកីឡាករឆ្នើមៗជាច្រើនដែលអាចបង្កើតឱកាសស៊ុតបញ្ចូលទីគ្រប់ពេល ទាំងនោះជាអ្វីដែលក្រុមទាំងមូលត្រូវប្រុងប្រយ័ត្ន។ យ៉ាងណាក៏ដោយពួកយើងនឹងប្រឹងប្រែងលេងរាល់ការប្រកួត ដោយភាពជឿជាក់ ហើយខ្ញុំគិតថាវាជាពេលវេលាមួយដ៏សក្ដិសមសម្រាប់ Arsenal ក្នុងការឈ្នះជើងឯកនៅរដូវកាលនេះ"។

នៅរាត្រីថ្ងៃចន្ទនេះក្រុមរបស់លោក Wenger ត្រូវបើកទ្វារកីឡដ្ឋាន Emirates ទទួលស្វាគមន៍ក្រុមលេខ៣ Manchester City ដែលវាជាឱកាសមួយក្នុងការបន្ថែមគម្លាតពិន្ទុ បើសិនជា Arsenal អាចយកឈ្នះលើគូប្រកួតបាន៕